(1924) La mio tristeza
¡Ay Xuaquina mía!; quisiera contate
una cosa que teno aquí adientro metía,
que me fai un dañu tan grande n'el alma
que paez que a pizcaños quitenme la vida.
Ayer pe la tarde foi pa'e curanderu
y xura que ye un mal de la coriza,
yo non sé si será del desgonciu
o si teno el rema adientro la barriga,
o quiciabes lo que diz el cura,
¡que me estoy morriendo de melancolía!...
La custión ye que a veces yo lloro,
en sin saber por qué, mio Xuaca bendita.
Ya non voi xugar a los bolos,
nin toco la gaita pe la romería,
¡nin canta como antes el mío paraxín,
que talmente siente la tristeza mía!...
nin voy a la vega pa llendar les vaquer,
sino ya me fai gracia la xatina pinta;
desde que marchaste, Xuaquina del alma.
teno aquí una cosa pa dientro metía.
¡Ay! que voi a morreme de pena,
¡mio madre del alma; mio madre querida!...